Aholkuak
Ekin elikagaien xahuketaren aurka!
Xahuketaren Analisia
Elikadura kate osoaren inguruko datu berriak
Dohaintzan emateko gida
Xahutzearen aurkako urrats solidarioa
Sentsibilizazio kanpaina
2022ko abendua
berria
Nekazaritzako elikagaien katean bazter utzitako elikagaiak dira, oraindik ere jan daitezkeenak eta egokiak direnak giza kontsumorako. Alabaina, ez zaie erabilera alternatiborik ematen, eta, ondorioz, hondakin gisa suntsitzen dira.
Europar Batasunean galdu edo xahutu egiten da ekoiztutako elikagaien % 20. Hau da, 89 milioi tona elikagai edo 179 kilo pertsonako. Kalkuluen arabera, fenomeno horrek 143 milioi euroko kostuak eragiten dizkio EBri.
Elikagaiak ekoizteko, energia- eta baliabide-kopuru handiak behar ditugu, baina horiek, ura edo landu daitezkeen lursailak, adibidez, gero eta urriagoak dira. FAOren arabera, uraren aztarna hidrikoak munduan erabiltzen den uraren % 70 hartzen du. Gainera, elikagaien ekoizpenak Berotegi Efektuko Gasen (BEG) igorpen zuzenen % 17 eta guztirako ingurumen-eraginen % 20 eta % 30 artean eragiten ditu.
Janaria botatzen dugunean, ez dugu dirua bakarrik xahutzen; ura eta energia ere xahutzen ditugu, eta, hori gutxi balitz bezala, mesede egiten diogu klima-aldaketari.